شوکت یوسفزئی نے 15 کروڑ ہرجانہ کیس کا فیصلہ چیلنج کردیا

پاکستان تحریک انصاف (پی ٹی آئی) کے رہنما شوکت یوسفزئی نے عوامی نیشنل پارٹی (اے این پی) کے سربراہ اسفند یار ولی کے حق میں 15 کروڑ ہرجانہ کیس کا فیصلہ چیلنج کردیا۔

شوکت یوسفزئی کی طرف سے ایڈیشنل سیشن جج اعجاز الرحمان کی عدالت میں دائر درخواست میں استدعا کرتے ہوئے کہا گیا ہے کہ یکطرفہ کارروائی روکنے کے لیے پہلے بھی درخواست دی تھی، اب بھی درخواست کی جاتی ہے کہ فیصلہ کالعدم قرار دیکر صفائی کا موقع دیا جائے۔

شوکت یوسفزئی نے اسفندیار ولی پر 25 ملین ڈالر میں پختونوں کا سودا کرنے کا الزام لگایا تھا جبکہ اسفندیار ولی نے 2019 میں شوکت یوسفزئی کے خلاف ہرجانہ کیس کیا تھا۔

جس پر گزشتہ روز عدالت نے شوکت یوسفزئی کو 15 کروڑ روپے ہرجانہ ادا کرنے کا حکم بھی دیا تھا۔